Վրաստանի խորհրդարանի նախագահ Շալվա Պապուաշվիլին հրաժարվել է հանդիպել Թբիլիսի ժամանած եվրոպացի պատգամավորների հետ և գրավոր հայտնել է նրանց այդ որոշման պատճառների մասին։
Նա նշել է, որ Եվրամիության երկրներից այցելած պատգամավորները «բազմիցս անբարյացակամ վերաբերմունք են ցուցաբերել Վրաստանի նկատմամբ»։
«Վրաստանի և իշխանությունների հանդեպ հանրապետություն այցելած պատվիրակության որոշ անդամների անբարյացակամ հռետորաբանությունն ու գործողությունները, որոնց մենք ականատես ենք լինում վերջին երկուսուկես տարվա ընթացքում, անհամատեղելի են Եվրոպայի՝ որպես խաղաղության նախագծի պատկերացումների հետ»,- գրել է Պապուաշվիլին։
Թբիլիսի ժամանած եվրոպացի պատգամավորների թվում է Բունդեսթագի արտաքին հարաբերությունների հանձնաժողովի նախագահ Միխայել Ռոթը, որն ակտիվ աջակցում է վրացական ընդդիմությանը։
