Հետաքննությունների դաշնային բյուրոյի գործակալը խուզարկություն է անցկացրել Washington Post-ի լրագրողի տանը: Խուզարկությունը կապված է ազգային նշանակության գաղտնի տեղեկատվության հնարավոր արտահոսքի հետաքննության հետ, հաղորդում է New York Times-ը՝ հղում անելով տեղեկացված աղբյուրներին։
Խուզարկության թիրախում, ենթադրաբար, Հաննա Նաթանսոնն էր, ով անցյալ տարի լուսաբանել էր ԱՄՆ վարչակազմի ջանքերը՝ կրճատելու դաշնային աշխատուժը։
Հաղորդվում է, որ աշխատանքից ազատված պետական աշխատակիցներից մի քանիսը լրագրողի հետ կիսվել են իրավիճակի վերաբերյալ իրենց տեսակետներով: Մասնավորապես, Պաշտպանության նախարարության աղբյուրը, ենթադրաբար, Նաթանսոնին ասել է իր «ճշմարտությունը բացահայտելու անհրաժեշտության» մասին՝ չնայած ռիսկերին: Զրույցի ընթացքում Արդարադատության նախարարության պաշտոնյան խոստովանել է, որ «գաղտնի տեղեկատվություն է փոխանցել»։
Washington Post-ի ներկայացուցիչները հրաժարվել են մեկնաբանել այս հարցը։
Նախագահության սկզբում Դոնալդ Թրամփը ստորագրել է գործադիր հրամանագիր, որի նպատակն էր զգալիորեն կրճատել մի քանի պետական գործակալությունների աշխատակիցների թիվը և գործառույթները՝ որպես բյուրոկրատիայի դեմ պայքարի արշավի մաս:
