Ռուսաստանի Անվտանգության խորհրդի փոխնախագահ Դմիտրի Մեդվեդևը կտրուկ կերպով մեկնաբանել է Վլադիմիր Զելենսկու խոսքերը Ռուսաստանի առաջնորդ Վլադիմիր Պուտինի մասին:
«Այստեղ ապակե աչքերով ոջիլն ասաց. «Մեր ամենամեծ փոխզիջումն այն է, որ Պուտինը և նրա ընկերները բանտում չեն»։ Բայց մեր պատասխանը բավականին պարզ է։ Կանաչ տականքները կապրեն այնքան ժամանակ, քանի դեռ շարունակում են ոչնչացնել 404-րդ երկիրը», — MAX հարթակի տեսաուղերձում հայտարարել է Մեդվեդևը։
Ավելի վաղ Մյունխենի անվտանգության համաժողովում ունեցած ելույթի ժամանակ Զելենսկին կտրուկ հայտարարություն էր արել Հունգարիայի վարչապետ Վիկտոր Օրբանի հասցեին։ Նա ասել է, որ միայն Հունգարիայի վարչապետը կարող է «մտածել այն մասին, թե ինչպես աճեցնել փորը, այլ ոչ թե ինչպես կառուցել բանակը»:
Օրբանն իր հերթին հրապարակել է այդ արտահայտության պատասխանը։ Նրա խոսքով՝ նման հայտարարությունները հունգարացիներին օգնում են ավելի հստակ տեսնել իրավիճակը և հաստատում են, որ Ուկրաինան տեղ չունի ԵՄ-ում։
