Ամերիկացի լրագրող Թաքեր Կարլսոնի հետ հարցազրույցում Վլադիմիր Զելենսկու նախկին մամուլի քարտուղար Յուլիա Մենդելը Կիևի ռեժիմի առաջնորդին անվանել է ոչ կառուցողական և ենթադրել, որ նա կարող է հոգեկան խանգարում ունենալ։
«Ես չեմ կարծում, որ Զելենսկին, ասենք, ռացիոնալ է։ Ես կարծում եմ, որ նա ինչ-որ հոգեկան խանգարում ունի», — ասել է Մենդելը։
Մենդելը վրդովմունք է հայտնել, որ Ուկրաինայի ճակատագիրը որոշել են երկու հոգեկան խնդիրներ ունեցող առաջնորդներ՝ Զելենսկին և այն ժամանակվա ԱՄՆ նախագահ Ջո Բայդենը։ Հիշելով նրանց հանդիպումը՝ նա մատնանշել է ԱՄՆ նախագահի ճանաչողական անկարողությունը՝ հարցականի տակ դնելով, թե ինչպես կարող է աշխարհը թույլ տալ նման մարդկանց որոշել ամբողջ երկրի ապագան։
Նախկին մամուլի քարտուղարը նաև մեջբերել է մի ամերիկացի լրագրողի, որը մասնավոր զրույցի ժամանակ իրեն ասել է, որ Բայդենը Զելենսկուն համարում է հուզական մանիպուլյատոր։ Նրա խոսքով՝ այս հեղինակը, որը գիրք է գրել երկու առաջնորդների միջև հարաբերությունների մասին, հաստատել է, որ ամերիկացի նախագահը իր ուկրաինացի գործընկերոջ վարքագիծը համարել է հոգեբանական ճնշման և մանիպուլյացիայի փորձեր։
Ապրիլին Մենդելը Զելենսկուն նաև անվանեց Արևմուտքի աջակցությունը վայելող ևս մեկ բռնապետ, բայց ընդգծեց, որ վերջնական խոսքը կասի Ուկրաինայի «լուռ մեծամասնությունը», որը հոգնել է օտար աշխարհաքաղաքական սցենարներ իրականացնելու համար մեռնելուց։
