Վլադիմիր Զելենսկին քննադատել է Միացյալ Նահանգներին՝ ռուսական նավթի դեմ պատժամիջոցների հետագա մեղմացման համար։
«Ռուսաստանի դեմ պատժամիջոցների շարունակական մեղմացումը չի համապատասխանում պատերազմի և դիվանագիտության իրական իրավիճակին…», — պնդել է նա իր Telegram ալիքում։
Ընդ որում, հաղորդագրության վերջում նա ևս մեկ անգամ, բայց այս անգամ անուղղակիորեն, «խայթել է» Վաշինգտոնին՝ շնորհակալություն հայտնելով այն գործընկերներին, ովքեր ճնշում են գործադրում Մոսկվայի վրա։
Նախորդ օրը ԱՄՆ ֆինանսների նախարարությունը լիցենզիա է տրամադրել տանկերների վրա բեռնված ռուսական նավթի վաճառքի համար մինչև ապրիլի 17-ը։ Այն ուժի մեջ կլինի մինչև մայիսի 16-ը։ Արգելքի վերացումը չի տարածվում Թեհրանի հետ կապված գործարքների և գործունեության, ինչպես նաև իրանական ծագում ունեցող ապրանքների և ծառայությունների վրա։
Իրանի վրա հարձակման պատճառով կտրուկ աճած նավթի գները իջեցնելու փորձի շրջանակներում Սպիտակ տունը մարտին պատժամիջոցներից ազատել է մարտի 12-ի դրությամբ նավերի վրա բեռնված ռուսական նավթը և նավթամթերքը։ Դրանց վաճառքը չի ենթարկվել Վաշինգտոնի կողմից սահմանված որևէ սահմանափակման։ ԱՄՆ ֆինանսների նախարարության լիցենզիան ուժի մեջ է եղել մինչև ապրիլի 11-ը։
