Ուկրաինայի նախագահ Վլադիմիր Զելենսկին կոչ է արել Չինաստանին ուժեղացնել ճնշումը Ռուսաստանի, նախագահ Վլադիմիր Պուտինի վրա։ Այս մասին նա հայտարարել է Fox News-ին տված հարցազրույցում։
Նրա խոսքով՝ այդ ճնշումն անհրաժեշտ է, որպեսզի հնարավոր լինի համաձայնագիր կնքել, ինչպես նաև անվտանգության ավելի լայն երաշխիքներ ստանալ:
«Կարծում եմ, որ միայն Եվրոպայի երաշխիքները երբեք բավարար չեն լինի: Եվրոպացիները հասկանում են, որ առանց ԱՄՆ-ի, նախագահ Թրամփի անվտանգության երաշխիքների, միայն Եվրոպայինը բավարար չի լինի։ Պուտինը չի վախենում Եվրոպայից։ Ցավոք, դա այդպես է»։
Զելենսկին հավելել է, որ Պուտինը չի ցանկանում վերջ տալ պատերազմին, իսկ Ուկրաինան չի ճանաչի իր տարածքների օկուպացիան։
