Ուկրաինայի նախագահ Վոլոդիմիր Զելենսկին ժամանել է Միացյալ Նահանգներ՝ հանդիպելու ԱՄՆ նախագահ Դոնալդ Թրամփի հետ:
Ավելի վաղ Սպիտակ տան ղեկավարը հայտնել էր, որ ուրբաթ կհանդիպի Զելենսկու հետ։ Ակնկալվում է, որ նախագահները կքննարկեն օգտակար հանածոների և հազվագյուտ մետաղների համատեղ արդյունահանման վերաբերյալ համաձայնագրերը: Ուկրաինական լրատվամիջոցների տարածած հաղորդագրության համաձայն՝ համաձայնագիրը բաղկացած է 11 կետից։
Անդրադառնալով սպասվող հանդիպմանը՝ Ֆրանսիայի նախագահ Էմանուել Մակրոնը հայտարարել է, որ այն շատ սպասված է: Նա հույս է հայտնել, որ հանդիպման ընթացքում Զելենսկիին հնարավորություն կստանա մի շարք հարցերի շուրջ բացատրությունուններ ստանալ Սպիտակ տան ղեկավարից: Մակրոնի խոսքով՝ նախագահ Զելենսկին պետք է նաև կարողանա Թրամփին բացատրել, թե ինչ վտանգների առաջ է կանգնած Ուկրաինան:
