Այսօր կառավարության նիստում վարչապետ Փաշինյանը հայտարարեց, որ գյուղատնտեսության ոլորտում մասնագետներ կան, որոնք աստղաբաշխական գումարներ են ստանում՝ ժամավճարի համար:
Նիստում քննարկվում էր ԿԳՄՍ նախարար Ժաննա Անդրեասյանի ներկայացրած նախագիծը, որով առաջարկվում է 77 հազար դրամ կրթաթոշակ տրամադրել ագրոնոմիայի ոլորտի առաջին կուրսի ուսանողներին, մասնավորապես՝ անասնաբուժության, սանիտարական փորձաքննության, ագրոնոմիայի, բույսերի պաշտպանության, պարենամթերքի տեխնոլոգիայի, ճշգրիտ գյուղատնտեսության եւ այլ ոլորտների ուսանողների համար:
Վարչապետ Փաշինյանն ասաց, որ այս որոշումը բխում է իրական կյանքից. «Մենք այս որոշման անհրաժեշտությունը տեսել ենք տարբեր մարզերում շփումների արդյունքում: Տարբեր մարզերում ինտենսիվ այգիներ են ներդրվում, շատ դեպքերում դիմում են արտերկրյա մասնագետների: Մյուս կողմից արտերկրյա մասնագետների ներգրավվածությունը շատ մեծ ծախսերի հետ է կապված: Մենք նոր ենք գլխի ընկել, որ գյուղատնտեսության ոլորտում մի շարք մասնագետների ժամավճարներ գոյություն ունեն, եթե անկեղծ ասեմ, մինչեւ վերջ չես էլ հավատում, որ կարող է այդպիսի բան էլ լինի, ժամը 700 եվրո, ժամը 800 եվրո եւ այդպես շարունակ: Եթե մի ժամ, երկու ժամ էդ մասնագետները հասու են որոշ ներդրողների, բայց 365 օրը հաստատ հասու չեն: Հիմա Արարատի մարզ կատարած այցի ընթացքում այսպիսի հարց ունեցանք, ներդրողները խնդիր են դնում, ասում են մենք ենք ընտրում աշակերտների, որ գան, զրոյական սկսեն աշխատել եւ զուգահեռ կրթություն ստանան: Հիմա մենք ուզում ենք այդ մասնագետներին խթանել՝ իմանալով, որ աշխատատեղեր կան»:
«Ժամը 700 եվրո, ժամը 800 եվրո ստանում են». Փաշինյանը ապշել է գյուղատնտեսության մասնագետների ժամավճարից
Նմանատիպ հոդվածներ
- Թոփ
- Կարևոր
- Թարմ
Tribune․am–ը մեդիա իրազեկման հարթակ է, որը նպատակ ունի տրամադրել արագ, օպերատիվ եւ անաչառ տեղեկատվություն, վերլուծել Հայաստանում եւ աշխարհում առկա խնդիրները և կանխատեսելու հետագա զարգացման ուղիները։