«Նոր Պրոյեկտ.Տնտեսական Ալիք» նախաձեռնությունն անդրադարձել է «Զանգեզուրի պղնձամոլիբդենային կոմբինատ»-ի աշխատակիցների գործադուլին:
«Շուրջ մեկ շաբաթ է, հանրապետության թիվ 1 հարկատու ՝ «Զանգեզուրի պղնձամոլիբդենային կոմբինատ»-ի կոլեկտիվը գործադուլ է անում և ըստ էության 2 պահանջ դնում`
• աշխատավարձերի բարձրացում,
• աշխատանքային պայմանների բարելավում:
Ինչ վերաբերվում է աշխատանքային պայմանների բարելավմանը, ապա ակնհայտ է, որ շատ մեծ հանքավայրում բնականաբար կարող է առաջանալ գոյապահպանական խնդիր և անհրաժեշտություն է, որ կոլեկտիվի անդամների բժշկական ապահովագրությունը կամ բուժսպասարկումը լինի համապատասխան մակարդակի:
Ինչ վերաբերվում է աշխատավարձերիի բարձրացմանը, արձանագրենք, որ առաջին անգամ «Զանգեզուրի պղնձամոլիբդենային կոմբինատը» պետությանը վճարեց շահաբաժին՝ 32 միլիարդ դրամի չափով,որովհետև պետությունը այստեղ ունի շուրջ 22% բաժնեմաս: Ակնհայտ է կոմբինատը ստացել է բավականին մեծ եկամուտներ, խոսքը հարյուր միլիարդավոր դրամների մասին է, և այստեղ պետք է հաշվի առնել նոր իրողություններն, այն է, եթե կոլեկտիվը ապահովում է մեծ եկամուտներ, ապա անպայման այդ եկամուտների չափը ինչ-որ ձևով պետք է փոխկապակցված լինի մարդկանց ստացած աշխատավարձերի հետ:
Կոմբինատում միջին աշխատավարձն ավելի բարձր է, քան հանրապետության միջին աշխատավարձն է , բայց նաև եկամուտներն էլ առավել պատիկներով բարձր են, քան, միջին աշխատավարձ-ստացվող աշխատավարձ համադրությունը:
«Նոր Պրոյեկտ. Տնտեսական ալիք» նախաձեռնությունը գտնում է, որ ոչ միայն արհմիությունը պետք է ճյուղային աշխատի, այլ նաև պետական պատկան մարմինները բանակցեն՝ և՛ բաժնետերերի, և՛ կոլեկտիվի, և՛ տնօրինության հետ, որպեսզի կոմբինատը արագընթաց վերագործարկվի:
Կոմբինատի ամենօրյա պարապուրդը բերում է հարյուր միլիոնավոր դրամների կորուստներ, ինչպես պետական բյուջեի, այնպես էլ կոլեկտիվի և պետության համար:
Ռազմավարական տեղաբաշխում ունեցող՝ Սյունիքի մարզի կոմբինատում, պետք չէ, որ գործարանի ավելի քան 4,000 աշխատող, իսկ հարակից և սպասարկող ձեռնարկությունների շուրջ 10,000 աշխատող՝ ունենան ընթացիկ խնդիրներ և խաթարվի նրանց և նրանց ընտանիքների բնականոն կյանքը»,- գրված է հոդվածում:
