Ալեն Սիմոնյանը նոր օգնական ունի. համակարգելու է լրատվամիջոցների հետ աշխատանքը

Ազգային ժողովի նախագահ Ալեն Սիմոնյանը նոր օգնական ունի։ Վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի աշխատակից Մովսես Հարությունյանն է նշանակվել այդ պաշտոնին։

«ԱԺ նախագահ Ալեն Սիմոնյանի կարգադրությամբ նշանակվել եմ ՀՀ Ազգային ժողովի նախագահի օգնական։

Շնորհակալություն եմ հայտնում պարոն Սիմոնյանին՝ նման բարձր վստահության համար։

Ուզում եմ շնորհակալություն հայտնել նաև վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի տնօրեն Գոռ Ծառուկյանին և նախկին փոխտնօրեն Հակոբ Սաֆարյանին՝ համատեղ 6 տարվա ստացված աշխատանքի համար։

Սիրելի՛ լրագրող գործընկերներ, լրատվականների հարգելի՛ ներկայացուցիչներ, ուզում եմ տեղեկացնել, որ համակարգելու եմ նաև լրատվամիջոցների հետ աշխատանքը։ Սիրով առաջարկելով ձեզ հետ աշխատելու իմ պատրաստակամությունը՝ ակնկալում եմ նաև ձեր աջակցությունը՝ համատեղ աշխատանքն ավելի արդյունավետ դարձնելու համար։

Ծառայում եմ Հայաստանի Հանրապետությանը»,- Ֆեյսբուքում գրել է Հարությունյանը։