Եվրահանձնաժողովը (ԵՀ) խորհուրդ է տվել Հունգարիային և Սլովակիային հրաժարվել ռուսական նավթից և այլընտրանքային աղբյուրներ փնտրել այն բանից հետո, երբ երկրները բողոքել են Կիևի կողմից Ռուսաստանից մատակարարումների արգելափակման դեմ։ Այս մասին գրում է Financial Times թերթը՝ հղում անելով ԵՀ փոխղեկավար Վալդիս Դոմբրովսկիսի նամակին։
Եվրահանձնաժողովի փոխնախագահն իր նամակում կոչ է արել Բուդապեշտին և Բրատիսլավային «ակտիվորեն դիվերսիֆիկացիա իրականացնել՝ հրաժարվելով ռուսական հանածո վառելիքից»։
Դոմբրովսկիսը նաև մատնանշել է, որ ԵՄ-ի նախորդ շաբաթվա հանդիպմանը, երբ քննարկվում էր հարցը, «զգալի թվով [երկրներ] զարմացել են, թե ինչու Հունգարիան և Սլովակիան դեռ չեն ուսումնասիրել այլընտրանքային տարբերակներ»:
Հինգշաբթի օրը Եվրահանձնաժողովը մերժեց «հրատապ խորհրդակցություններ» անցկացնել Կիևի կողմից Հունգարիա և Սլովակիա նավթի մատակարարումների արգելափակման վերաբերյալ: ԵՀ-ն նկատել է, որ «ԵՄ էներգետիկ անվտանգությանն անմիջական սպառնալիք չկա»:
Ավելի քան մեկ շաբաթ առաջ Սլովակիան և Հունգարիան դիմել էին Եվրահանձնաժողովին՝ Ուկրաինայի հետ խորհրդակցություններում միջնորդության համար՝ Ռուսաստանից նավթի մատակարարումների խափանման պատճառով: Իրավիճակը վերլուծելու համար ԵՀ-ն լրացուցիչ տեղեկատվություն է խնդրել։ Սլովակիայի վարչապետ Ռոբերտ Ֆիցոն կարծիք է հայտնել, որ Կիևի կողմից «Լուկօյլ»-ից նավթի մատակարարումների արգելափակումը կվնասի իր երկրին, Ուկրաինային և Հունգարիային և չի ազդի Ռուսաստանի Դաշնության շահերի վրա։ Սլովակիայի կառավարության ղեկավարը իրավիճակը մի քանի անգամ քննարկել է իր ուկրաինացի գործընկեր Դենիս Շմիգալի հետ։
Հուլիսի 17-ին Ուկրաինան դադարեցրել է «Լուկօյլ» նավթի տարանցումը իր տարածքով Հունգարիա և Սլովակիա՝ Կիևի կողմից սև ցուցակում հայտնվելու պատճառով։ Ռուսաստանի Դաշնությունից այդ երկրներ էներգակիրներն իրականացվում են Դրուժբա խողովակաշարով՝ անցնելով Ուկրաինայի տարածքով։ Բուդապեշտը և Բրատիսլավան Եվրահանձնաժողովի միջնորդությամբ պահանջել են անհապաղ սկսել խորհրդակցություններ Ուկրաինայի հետ՝ ընդգծելով, որ Կիևի գործողությունները Ուկրաինայի և ԵՄ-ի միջև ասոցացման համաձայնագրի ուղղակի խախտում են։
