Կոնֆերենցիաների լիգայի որակավորման երկրորդ փուլի պատասխան խաղում Հայաստանի չեմպիոն «Փյունիկը» Երևանի Վազգեն Սարգսյանի անվան «Հանրապետական» մարզադաշտում ընդունեց Հյուսիսային Մակեդոնիայի «Ստրուգային» և առավելության հասավ 3:1 հաշվով՝ դուրս գալով հաջորդ փուլ։
«Փյունիկ»-ի գլխավոր մարզիչ Եղիշե Մելիքյանը հայտարարել է` կընդունի քննադատություններ ու մեղադրանքներ, երբ իրենք արժանի են դրան, բայց մի բան չի կարող ընդունել:
«Չմտածեք, որ «Փյունիկ»-ը կարող է լինել առանց ատամ ու առանց բնավորության, մենք կարող ենք ինչ-որ տեղ թերանալ, կարող է ես սխալվեմ, բայց մենք օրինակ ենք այս երկրում»,- նշել է Մելիքյանը:
