Ժամանակը չվատնել հեռախոսների մեջ․ հայտնի ֆուտբոլիստ, Հայաստանի ազգային հավաքականի նախկին ավագ Հենրիխ Մխիթարյանն իր երկրպագուներին խորհուրդ տալիս։ միայն ինքնակրթվել ուսովորել.
«Կարող եք որոշակի ժամանակ տրամադրել նորություններին հետևելու համար, բայց ձեր ժամանակը մի վատնեք՝ ամբողջ օրը հեռախոսի մեջ գտնվելով։ Ձեր ապագան գիրք կարդալն ու կրթվելն է։ Հասկանում եմ, որ շատ դժվար է, բայց փորձեք։ Բացի վնասից՝ լավ բան չկա»,-նշել նա՝ Արտակ Ալեքսանյանի հետ հարցազրույցում։
Հացին՝ արդյո՞ք Հայաստանի ազգային հավաքականի էջն իր համար փակված է, թե՞ այնտեղ դեռ անելիքներ կան՝ Մխիթարյանը պատասխանել է. «Ինչն ունի սկիզբ, ունի նաև ավարտ։ Ավելի լավ է ավարտել մեկ քայլ շուտ, քան երկու քայլ ուշ։ Ավելի լավ է այդ որոշումը կայացնես դու, քան՝ ուրիշները։ Իմ ցանկացած որոշման համար, որը կայացրել եմ թե՛ իմ ֆուտբոլային կարիերայի ընթացքում, թե՛ դրանից դուրս, ոչ մի բանի համար չեմ զղջում։ Ես գոհ եմ իմ կայացրած որոշումներից, ես գոհ եմ իմ անցած ճանապարհից, որոշ մարդիկ կարող են ասել, որ կարող էի ավելի լավ կարիերա ունենալ, կամ՝ ավելի վատը, բայց ոչ մեկս մեր ճակատագրից չենք կարող փախչել և պետք է շնորհակալ լինենք Աստծուն, ինչ մեզ տվել է։ Միանշանակ ասեմ, որ ինձ համար, ցավոք սրտի, Ազգային հավաքականի դուռը փակ է»,- ասել է նա։
Նա նշել է նաև, որ տիրապետում է 5 լեզվի և հավելել. «Պորտուգալերեն սովորեցի, երբ 13 տարեկան էի, և Ռուբեն Հայրապետյանն ինձ և մյուս ընկերոջս ուղարկեց Բրազիլիա՝ կատարելագործվելու։ Ցավոք, հետ վերադառնալով, մոռացա պորտուգալերենը, բայց հույս ունեմ, որ ֆուտբոլային կարիերայից հետո ժամանակ կունենամ նորից վերհիշելու այդ լեզուն»,-նշեց նա։
Մխիթարյանը նաև նշել է, որ շատ է սիրում կարդալ. «Տարբեր տարիքում նույն գիրքը կարդալով՝ տարբեր կերպ ես այն ընկալում։ Եվ դա հաճելի է, քանի որ հասկանում ես, որ արդեն նույն մարդը չես, զարգացել ես։ Սիրում եմ տարբեր ժանրերի գրքեր։ Շատ նվերներ եմ ստանում՝ գրքի տեսքով»։
