Չինաստանի հարավ-արևմուտքում գտնվող Գույանգ քաղաքում երեք տարեկան տղան ողջ է մնացել տասներորդ հարկից ընկնելուց հետո, հաղորդում է «Սինա» լրատվական կայքը։
«Գույչժոու նահանգի Գույանգ քաղաքում երեք տարեկան տղան պատահաբար ընկել է տասներորդ հարկանի շենքից, բայց բարեբախտաբար բռնել է ներքևում գտնվող մրգային խանութի ծածկը», — հաղորդում է լրատվական կայքը։
Պորտալը պարզաբանել է, որ ընկնելուց հետո երեխայի բերանից եւ քթից արյուն է հոսել, սակայն նա գիտակից է եղել եւ ժպտում է անցորդներին: Տղային տեղափոխել են հիվանդանոց, որտեղ նրա մոտ կոտրվածքներ կամ ներքին վնասվածքներ չեն հայտնաբերվել։
Խանութի հովանոցն ամբողջությամբ ավերվել է, սակայն սեփականատերը փոխհատուցում չի պահանջի։
