Ադրբեջանը ցանկանում է տեսնել ԵՄ-ն «Զանգեզուրի միջանցքի» մաս, հայտարարել է Ադրբեջանի նախագահի օգնական Հիքմեթ Հաջիևը:
Ադրբեջանի նախագահի օգնականը «միջանցքը» ներկայացրել է որպես այն բանի գործնական բաղադրիչ, որը նա անվանել է Ադրբեջանի «խաղաղության հաղթանակի ռազմավարություն»:
«Խաղաղությունը պետք է բերի բարգավաճում և զարգացում, ինչպես նաև կառուցի փոխկախվածություն հարևանների միջև: Այս համատեքստում Հայաստանը կարող է փակուղուց վերածվել տարանցիկ երկրի՝ Արևելք-Արևմուտք և Հյուսիս-Հարավ կապերի ընդլայնմանը զուգընթաց», — նշել է Հաջիևը։
«Զանգեզուրի միջանցքը» Չինաստանի, Կենտրոնական Ասիայի և Եվրոպայի միջև «Միջին միջանցքի» մաս անվանելով՝ Հաջիևը նշել է, որ այդ երթուղին կունենա փոխակերպող ազդեցություն Եվրասիական տրանսպորտային լանդշաֆտի վրա և որ Ադրբեջանն իրեն համարում է գլխավոր դերակատար այս գործընթացում։
