Տոնելու փոխարեն այսօր, ցավոք, Արցախի Սահմանադրության և անկախության հռչակման օրը կարծես մենք որպես հուշ ենք ընդունում. Արցախի ԱԺ արտահերթ նիստից հետո լրագրողների հետ զրույցում ասաց Արցախի խորհրդարանի նախկին պատգամավոր, ԱԺ արտաքին հարաբերությունների հանձնաժողովի նախկին նախագահ Արզիկ Մխիթարյանը։
«Ես ունեմ լավատեսություն, դեռս ժողովրդի մեջ կամքի ուժ է առկա, որ ամեն ինչ կորած չէ և այսօրվա ԱՀ ԱԺ առայժմ գործող բարձրագույն մարմինը նիստ հրավիրեց, նշեցին Սահմանդրության օրը»,-ասաց նա։
Արզիկ Մխիթարյանը նշեց, որ ԱՀ ԱԺ-ն ընդունեց ուղերձ, որով դիմում են ՄԱԿ անդամ պետություններին՝ ճանաչելու Արցախի անկախությունն ու Սահմանադրությունը։
«Քննարկվեց նաև արցախահայերի վերադարձի խնդիրները»,-ասաց նա։
ԱՀ նախկին պատգամավորը նշեց, որ այս 30 տարիների ընթացքում համոզվեցին, որ միջազգային հանրությունը որպես այդպիսին գոյություն չունի, բայց ինչ-որ հույս դեռևս մնում է։