ՀԷԿ ժամանակավոր կառավարիչ Ռոմանոս Պետրոսյանը անդրադարձել է ամանորյա գիշերը ՀՀ-ում գրանցված հոսանքազրկումներին՝ նշելով, որ նախորդ տարվա համեմատ այս տարի անջատված բաժանորդների թիվը էականորեն պակաս է եղել։
«Անցյալ տարի ամանորի կեսգիշերին մեր հանրապետությունում հոսանքազրկված է եղել շուրջ 32 հազար բաժանորդ, այս տարի ամանորի նախօրեին հոսանքազրկված է եղել 9200 բաժանորդ՝ գրեթե չորս անգամ պակաս։ Քանի որ ՀԷԿ-ի շուրջ մեր լրատվականների, քաղաքական որոշ շրջանակների ուշադրությունն ավելի սևեռված էր, կարծես, այդ իրավիճակն ավելի ֆետիշացվեց»,– ասել է նա։
Պետրոսյանը բաժանորդների ներողամտությունն է հայցել պատճառված անհարմարությունների համար. «Բոլորդ գիտակցում եք, թե ինչ վատթար, մաշված ու ոչ բարեկարգ վիճակում է գտնվում մեր ՀԷԿ-ի բաշխիչ ենթակառուցվածքները, և ահա այդ իրավիճակով պայմանավորված ու էլեկտրաէներգիայի սպառման շեշտակի աճի պարագայում որոշ ենթակայաններում ունեցել ենք վթարային վիճակներ»,– նշել է Պետրոսյանը։