ԱՄՆ Ազգային հետախուզության տնօրեն Թուլսի Գաբարդը հրաժարական է տվել ընտանեկան պատճառներով, հաղորդում է Fox News-ը՝ վկայակոչելով մի փաստաթուղթ։
«Ցավոք, ես պետք է հրաժարական տամ իմ պաշտոնից 2026 թվականի հունիսի 30-ից։ Իմ ամուսնու՝ Աբրահամի մոտ վերջերս ախտորոշվել է ոսկրային քաղցկեղի չափազանց հազվագյուտ տեսակ», — ասվում է հայտարարության մեջ։
Գաբարդը ծնվել է 1981 թվականի ապրիլի 12-ին Լելոալոայում, Ամերիկյան Սամոա։ Նա մանկությունն ու պատանեկությունն անցկացրել է Հավայան կղզիներում։
2024 թվականի նոյեմբերին ԱՄՆ ընտրված նախագահ Դոնալդ Թրամփը հայտարարեց Ազգային հետախուզության տնօրենի պաշտոնում իր ընտրության մասին։ Սա հանրության ուշադրությունը գրավեց Գաբարդի միջազգային հարաբերությունների, մասնավորապես՝ Սիրիայի և Ռուսաստանի վերաբերյալ տեսակետների վրա։
Նա բազմիցս արտահայտվել է Ուկրաինայի հարցում ԱՄՆ քաղաքականության, այդ թվում՝ ռազմական օգնության տրամադրման դեմ։ Գաբարդը քննադատել է նախկին նախագահ Ջո Բայդենի որոշումը՝ կասետային ռումբեր ուղարկել Ուկրաինայի զինված ուժերին՝ ասելով, որ դա ցույց է տալիս, որ «նրանք չեն հոգում ուկրաինացի ժողովրդի մասին. այդ զինամթերքը տասնյակ տարիների ընթացքում չպայթած ռումբերի պատճառով ուկրաինացիների շրջանում կորուստների կհանգեցնի»։