ԱՄՆ-ի և Իրանի միջև հուշագրի ստորագրումը տեղի կունենա վիրտուալ եղանակով հունիսի 14-ին։ Այն կերկարաձգի հրադադարը ևս 60 օրով, հաղորդում է Axios-ը՝ հղում անելով իր սեփական աղբյուրներին։
Աղբյուրի փոխանցմամբ՝ Պակիստանը և Կատարը նույնպես կմիանան վիրտուալ հանդիպմանը՝ որպես միջնորդներ։ Փաստաթուղթը նախատեսում է Հորմուզի նեղուցի բացում և Թեհրանի միջուկային ծրագրի շուրջ բանակցությունների մեկնարկ։
Աղբյուրի փոխանցմամբ՝ ստորագրումը վիրտուալ եղանակով անցկացնելու որոշումը կայացվել է լոգիստիկ պատճառներով։ Հիմնական գործոնն այն էր, որ եթե հանդիպումը տեղի ունենար դեմ առ դեմ, ԱՄՆ փոխնախագահ Ջ.Դ. Վենսը, որը գլխավորում է ԱՄՆ բանակցային թիմը, ժամանակ չէր ունենա տուն վերադառնալու մինչև նախագահ Դոնալդ Թրամփի Ֆրանսիայում կայանալիք G7 գագաթնաժողովին մեկնելը, որին նա պլանավորում էր մասնակցել երկուշաբթի առավոտյան։
