ԱՄՆ-ը դադարեցնում է Ուկրաինային Բայդենի ղեկավարման ժամանակ խոստացված որոշ զենիթային հրթիռների և այլ ճշգրիտ կառավարվող զինատեսակների մատակարարումը, այս մասին հայտնում է Politico-ն։ Պատճառը Պենտագոնի պաշարների չափազանց կրճատումն է
Որոշումը կայացվել է ԱՄՆ ռազմական գերատեսչության քաղաքական բաժնի ղեկավար Էլբրիջ Քոլբիի նախաձեռնությամբ՝ մնացած պաշարները ստուգելուց հետո, հաղորդում է BBC-ն։
ԱՄՆ նախկին նախագահ Ջո Բայդենի վարչակազմի կողմից խոստացված օգնության մի մասը կասեցնելու որոշումը կայացվել է հունիսի սկզբին, սակայն այն ուժի մեջ է մտել միայն հիմա՝ այն ժամանակ, երբ Կիևը հետ է մղում քաղաքացիական թիրախների վրա ռուսական զանգվածային հարվածները։
Սպիտակ տան մամուլի քարտուղարի տեղակալ Աննա Քելլին ասել է, որ որոշումը «կայացվել է Ամերիկայի շահերը առաջնային դասելու համար, քանի որ Պաշտպանության նախարարությունը վերանայում է մեր երկրի ռազմական աջակցությունն ու օգնությունը աշխարհի այլ երկրներին»։