ԱՄՆ նախագահ Դոնալդ Թրամփը հայտնել է, որ ամերիկյան զինուժն իր հրամանով հարվածներ է հասցրել Նիգերիայի հյուսիս-արևմտյան մասում գործող «Իսլամական պետություն» ահաբեկչական խմբավորմանը։
ԱՄՆ նախագահը գրել է, որ նախկինում զգուշացրել էր ահաբեկիչներին՝ եթե նրանք չդադարեցնեն քրիստոնյաների սպանությունները, ստիպված կլինեն թանկ վճարել, և այդպես էլ տեղի ունեցավ։ Նրա խոսքով՝ Պատերազմի նախարարությունը (Պենտագոնը) հասցրել է բազմաթիվ կատարյալ հարվածներ՝ այնպիսի ձևով, ինչպես կարող են անել միայն Միացյալ Նահանգները։
«Թող Աստված օրհնի մեր զինվորներին և բոլորին ՇՆՈՐՀԱՎՈՐ ՍՈՒՐԲ ԾՆՈՒՆԴ, ներառյալ մահացած ահաբեկիչներին, որոնց թիվը շատ ավելի կմեծանա, եթե չդադարեցնեն քրիստոնյաների սպանությունները», – գրել է Թրամփը:
ԱՄՆ-ը Թրամփի հրամանով հարվածներ է հասցրել Նիգերիայում գործող ահաբեկիչներին
