ՀՀ Արմավիրի մարզպետ Արգիշտի Մեխակյանը գրել է.
«Այսօր Արմավիրի մարզպետի աշխատակազմի ոլորտային պատասխանատուների հետ այցելել եմ Մերձավանի միջնակարգ դպրոց՝ ծանոթանալու դպրոցում տիրող իրավիճակին։
Շրջել եմ դպրոցում, այցելել մի շարք դասասենյակներ, զրուցել դպրոցի ղեկավար կազմի, մանկավարժների և աշակերտների հետ, տեղում գնահատել նաև շենքային պայմանները։
Մանկավարժական անձնակազմի և դպրոցի տնօրենության հետ զրույցի ընթացքում քննարկել ենք վերջին օրերին հասարակական լայն արձագանք ստացած միջադեպը, լսել կողմերի պարզաբանումները, զրուցել պատմության ուսուցչուհու հետ, անդրադարձել բարձրացված հարցերին։
Հանդիպման ընթացքում կարևորել եմ դպրոցում առողջ մթնոլորտի պահպանումը և հորդորել բոլոր կողմերին դրսևորել զսպվածություն, հանդուրժողականություն ու կառուցողական մոտեցում՝ ուսումնական գործընթացը չխաթարելու և նմանատիպ իրավիճակները բացառելու նպատակով»։