Սանկտ Պետերբուրգում մահացել է հինգ տարեկան մի տղա, որը տեղափոխվել էր վերակենդանացման բաժանմունք՝ ավտոմատ դռների հետ կապված միջադեպից հետո, հաղորդում է 78.ru պորտալը։
Հուլիսի 23-ին տղան առանց թույլտվության զբոսանքի է դուրս եկել։ Կոլոմենսկայա փողոցում նա ցանկացել է գնալ խաղահրապարակ։ Նա փորձել է խցկվել ավտոմատ դարպասի և պատի միջով։ Այդ պահին վարորդը, երեխային չնկատելով, հեռակառավարմամբ ակտիվացրել է դարպասը՝ խցանելով տղայի գլուխը։
Տուժածին շտապ տեղափոխել են հիվանդանոց։ Տղան ստացել է գլխի բաց վնասվածք և գանգի հիմքի կոտրվածք։ Բժիշկները նրա վիճակը գնահատել են որպես ծայրահեղ ծանր։
