ԵԱՀԿ Մինսկի խմբի վերաբերյալ մեր դիրքորոշումը նույնպես հայտնի է. մենք կարծում ենք, որ հարաբերությունների կարգավորումից հետո, երբ կարող ենք ասել՝ հակամարտությունը մոտեցավ ավարտին, այդ պահին մենք էլ կարող ենք ասել, որ Մինսկի խմբի գործունեության անհրաժեշտությունը չկա: Այս մասին ԱԺ արտաքին հարաբերությունների մշտական հանձնաժողովի նիստում հայտարարեց ՀՀ ԱԳ նախարար Արարատ Միրզոյանը:
«Մինչ այս պահը, ցավոք, մենք տեսնում ենք որոշ հռետորաբանության տարրեր, ապակառուցողականության տարրեր, որոնք շարունակաբար հանդիպում ենք ադրբեջանական կողմից, մեզ համար մտահոգիչ են հենց այս կոնտեքստում: Ուզում եմ հստակ ասել մեր դիրքորոշումը՝ այն պահին, երբ մենք հստակ կունենաք ստորագրված համաձայանգիր, մենք ևս կունենանք մեր վերապահումները Մինսկի խմբի հետագա գործունեության հետ կապված»,- շեշտեց նա:
