«Բարգավաճ Հայաստան» կուսակցության դեմ մարտերը շարունակվում են․ Ստեփանյան

Երևանի ավագանու «Մայր Հայաստան» խմբակցության անդամ Գևորգ Ստեփանյանը գրել է․

«Հարգելի՛ հայրենակիցներ
«Բարգավաճ Հայաստան» կուսակցության դեմ մարտերը շարունակվում են։

Անվավեր են ճանաչվել Նուբարաշեն թաղամասում գտնվող՝ 10/51 ընտրատեղամասի քվեարկության արդյունքները։ Բարգավաճ Հայաստանը 10/51 տեղամասում ստացել էր 131 քվե:

Հաջորդը՝ անվավեր է ճանաչվել 35/ 65 տեղամասի արդյունքերը։ Բարգավաճ Հայաստանը 35/ 65 տեղամասում ստացել էր 82 քվե:

Էսքանից հետո արդար ու թափանցիկ ընտրություններ լինելու մասին խոսք լինել չի՛ կարող»։

Այս թեմայով գրառում է արել նաև փաստաբան Ռուբեն Մելիքյանը․

«Որքան հասկացա, քիչ առաջ ԲՀԿ-ից գողացան 5 մանդատը։ Դա կատարվեց 35/65 և 10/51 տեղամասերի արդյունքներն անվավեր ճանաչելով, իսկ այնտեղ ԲՀԿ-ն կարծեմ մոտ 80+130 քվե էր ստացել — միջինից էապես ավելին։

Սա միայն ԲՀԿ-ի հարցը չի։ Դրանով քպ-ն վերականգնում է 3/5 մեծամասնությունը և կարողանում է միանձնյա նշանակել սահմանադրական պաշտոններում, ընդունել սահմանադրական օրենքներ։

Սա ուղղակի խայտառակություն է»։