Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ:
Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։
Քաջարան, Գորիս քաղաքներում և «Մեղրու սար» կոչվող հատվածում տեղում է ձյուն:
«Զանգեր» կոչվող հատվածում մառախուղ է:
Վարորդներին խորհուրդ է տրվում երթևեկել բացառապես ձմեռային անվադողերով։
«Ճանապարհային դեպարտամենտ» հիմնադրամից տեսանյութ են հրապարակել, որում Նորավան-Լծեն ճանապարհն է։
«Ճանապարհին ձյուն է ու բուք։ Վարորդներին կոչ ենք անում լինել զգոն։ Ճանապարհը սպասարկող կազմակերպություններն իրականացնում են հերթապահություն»,- հայտնում են հիմնադրամից։
