«Ես չեմ հանդիպել սահմանազատումից դժգոհ կիրանցեցու». ՔՊ-ականը հպարտ է սկսված գործընթացով

«Մենք մի քանի պատգամավորով գնացինք Կիրանց ու տեղում ծանոթացանք սահմանազատված սահմանին ու պաշտպանական ամրաշինական աշխատանքներին։ Աննկարագրելի որակի և ծավալի աշխատանք է կատարվել, որը պետք է վերջին 20-25 տարվա ընթացքում արվեր, ու դրա արդյունքում մենք ուղղակի չէինք ունենա այն իրավիճակը, որը հիմա ունենք»,– ասաց Նարեկ Զեյնալյանը լրագրողներին։

Հարցին` արդյո՞ք սահմանազատումից հետո երաշխիք կլինի, որ Ադրբեջանն այլևս չի խախտի գծված սահմանը, ՔՊ-ականը շեշտեց` երկրագնդի վրա չկա որևէ երկիր, որը երաշխիք ունի, որ իր սահմանները չեն խախտվի։ Վստահեցրեց` էսկալացիայի ռիսկերն անհամեմատ նվազել են ու կառավարելի են։