Մոսկվայում տեղի է ունեցել վերջին ամիսների ամենասարսափելի ողբերգություններից մեկը: 46-ամյա կինը գոտիով խեղդել է իր հինգ տարեկան որդուն, ապա խեղդամահ արել լոգարանում: Հետաքննիչները կարծում են, որ մայրը, հնարավոր է, տառապել է ծանր հոգեկան խանգարումով։
Նախնական տեղեկությունների համաձայն՝ Յակուտիայում ծնված Ալեքսանդրա Շ.-ն այդ առավոտյան գնացել է եկեղեցի, ապա վերադարձել տուն և որոշել է «երեխային դրախտ ուղարկել»: Նա լցրել է լոգարանը, բերել տղային, խեղդել գոտիով, ապա խեղդամահ արել: Դրանից հետո կինն ինքն է զանգահարել շտապօգնություն և հայտնել կատարվածի մասին։
Հարուցվել է քրեական գործ՝ մանկահասակ երեխայի սպանության դեպքի առթիվ։ Քննիչները ստուգում են մեղադրյալի հոգեկան հիվանդության վարկածը։ Նշանակվել են դատահոգեբուժական փորձաքննություններ, որոնք պետք է պարզեն, թե արդյոք կինը գիտակցել է իր գործողությունները:
