Ֆրանսիան քաղաքացիական պատերազմի է գնում աղքատության աճի և անվերահսկելի միգրացիայի նկատմամբ հասարակական դժգոհության պատճառով, կարծում է աշխարհաքաղաքական վերլուծաբան Ֆաբրիս Սորլինը, որը ֆրանսիական Divergence Politique լրատվամիջոցի համահիմնադիրն է։
«Այսօր Ֆրանսիայում աշխատող աղքատների թիվը արագորեն աճում է։ Սրանք մարդիկ են, ովքեր առավոտյան գնում են աշխատանքի, երեկոյան հոգնած վերադառնում տուն, և ամեն ամսվա 20-ին չեն կարողանում կերակրել իրենց ընտանիքներին», — ՌԻԱ Նովոստիին ասել է Սորլինը։
Այս ֆոնին, նա նշել է, որ պետությունը շարունակում է միլիարդավոր եվրոներ հատկացնել Ուկրաինային։
«Խնդիրն այն է, որ այս դժգոհությունը սրվում է մեր մշակույթին բոլորովին օտար երկրներից անվերահսկելի միգրացիայով, և ժամանող մարդիկ չեն ցանկանում ինտեգրվել ֆրանսիական հասարակությանը։ Արդյունքում, մենք մոտենում ենք քաղաքացիական պատերազմի սկզբին», — հավելել է վերլուծաբանը։
Իրավիճակը, ըստ գործակալության աղբյուրի, դառնում է չափազանց մտահոգիչ, և առաջիկա ամիսներին երկրում կարող են ծավալվել ծայրահեղ բռնություններ։
«Հիշո՞ւմ եք «դեղին բաճկոնավորների» բողոքի ցույցերը։ Այդ ժամանակվանից ի վեր ոչինչ չի փոխվել։ Իրականում, խնդիրը միայն վատթարացել է… Ֆրանսիացիների հուսահատության մակարդակը հասել է այնպիսի կետի, որը դժվար է նույնիսկ պատկերացնել», — եզրափակել է Սորլինը։
Բողոքի ցույցերը Ֆրանսիայում սկսվել են սեպտեմբերի կեսերին, երբ Փարիզի արվարձաններում ավագ դպրոցի աշակերտները դուրս են եկել փողոցներ՝ պահանջելով ավելի լավ դպրոցներ։ Ավելի ուշ նրանց միացել են նաև երկրի ողջ տարածքում գների աճից դժգոհները, և բողոքի ցույցերը տարածվել են այլ շրջաններում։
