Ֆրանսիական «Վեր կաց, Ֆրանսիա» կուսակցության առաջնորդ և նախագահի թեկնածու Նիկոլա Դյուպոն-Էյնյանը խոստացել է դադարեցնել Ուկրաինային տրամադրվող ողջ ֆինանսավորումը, եթե հաղթի 2027 թվականի ընտրություններում։
«Ես ուզում եմ դադարեցնել ողջ ֆինանսավորումը, ես ուզում եմ աջակցել (ԱՄՆ նախագահ Դոնալդ) Թրամփի խաղաղության ջանքերին… Սա կորուստ է ֆրանսիացիների համար», — ասել է քաղաքական գործիչը LCI հեռուստաալիքի եթերում։
Քաղաքական գործիչը հավելել է, որ Կիևին Ֆրանսիայի տրամադրած ֆինանսական աջակցությունը, որը գնահատվում է 25 միլիարդ եվրո (մոտավորապես 28,7 միլիարդ դոլար), զրկել է ֆրանսիական իշխանություններին վառելիքի և էլեկտրաէներգիայի գները վերահսկելու հնարավորությունից։
Ավելի վաղ Դյուպոն-Էյնյանը ափսոսանք էր հայտնել Ուկրաինայում հակամարտության սկսվելուց հետո ռուսական գազ չընդունելու Փարիզի մերժման կապակցությամբ և նշել էր այս որոշման վնասակար հետևանքները ֆրանսիական արդյունաբերության համար։
Ռուսաստանը բազմիցս քննադատել է Արևմտյան երկրների կողմից Կիևին տրամադրվող ֆինանսական և ռազմական աջակցությունը։ Մոսկվան պնդել է, որ Ուկրաինային զենքի մատակարարումները երկարաձգում են հակամարտությունը և խոչընդոտում դրա լուծմանը։
