Հնդկաստանում երկգլխանի երեխա է ծնվել․ բժիշկները պայքարում են նրա կյանքի համար

NDTV-ի փոխանցմամբ՝ Հնդկաստանում բժիշկները փորձում են օգնել երկգլխանի երեխային։

Հաղորդագրության համաձայն՝ երեխան ծնվել է Օդիշա նահանգի Կանդհամալ շրջանում հոկտեմբերի 10-ին։ Երեխան ծնվել է հղիության 32-րդ շաբաթում՝ կեսարյան հատման միջոցով և անմիջապես տեղափոխվել Բերհամպուրի MKCG բժշկական քոլեջի և հիվանդանոցի նորածնային վերակենդանացման բաժանմունք։

Լրագրողները կասկածում են, որ երեխան ունի dicephalus parapagus՝ հազվագյուտ հիվանդություն, որի դեպքում երկու պտուղները զարգանում են առանձին՝ մեկ մարմնում, բայց ունեն երկու գլուխ։

Հաղորդագրության մեջ նշվում է, որ հաջորդ մի քանի օրերը կարևոր կլինեն երեխայի առողջության համար, քանի որ հետազոտության արդյունքները կորոշեն, թե ինչ բուժում կամ մասնագիտացված խնամք կարող է պահանջվել։ Նման դեպքերում երեխայի առողջությունը կախված է անատոմիական անոմալիաների բնույթից, ախտահարված օրգաններից և ծննդաբերությունից հետո առաջացող ցանկացած բարդությունից։

Հայտնի է, որ երեխան ծնողների առաջնեկն է. նրա հայրը վարձու աշխատող է։ Մայրը հոսպիտալացվել է մասնագիտացված բժշկական օգնության համար։

Հեռուստաալիքի տվյալներով՝ Օդիշա նահանգում երկու գլխով երեխա ծնվում է 300,000 դեպքից մեկի դեպքում։

Նախկինում լրատվամիջոցները հաղորդել էին նմանատիպ դեպքերի մասին Մյանմայում և Արգենտինայում։