Հռոմի պապ Ֆրանցիսկոսի մոտ երկկողմանի թոքաբորբ է զարգացրել, հայտնել է Վատիկանը։ Նոր թեստերը ցույց են տվել, որ 88-ամյա պոնտիֆիկոսի առողջական վիճակը վատթարացել է, երկկողմանի թոքաբորբը պահանջում է լրացուցիչ դեղորայքային թերապիա, գրում է france24.com-ը:
«Լաբորատոր հետազոտությունները, կրծքավանդակի ռենտգենը և Սրբազան Հոր կլինիկական վիճակը շարունակում են բարդ պատկեր ներկայացնել»,- ասվում է Վատիկանի հայտարարության մեջ։
Ֆրանցիսկոսն անցած ուրբաթ ընդունվել էր Հռոմի Gemelli հիվանդանոց՝ բրոնխիտի պատճառով:
21 տարեկանում պոնտիֆիկոսի աջ թոքի մի մասը հեռացվել է:
