Երևան, Հայաստան — 2026թ. Հունիս
ITSecurity LLC-ն ներկայացնում է ITSec.am հարթակը՝ Հայաստանում առաջին հանրային Cyber Threat Map-ը, որն իրական ժամանակում վիզուալիզացնում է ընկերության կողմից պաշտպանվող տարբեր ոլորտների կազմակերպությունների նկատմամբ արձանագրվող կիբեռսպառնալիքներն ու կիբեռհարձակումները։
Հարթակն իրական ժամանակում ցուցադրում է կիբեռսպառնալիքներն ու հարձակումները, որոնք բացահայտվում են կազմակերպությունների թվային ենթակառուցվածքների նկատմամբ արձանագրվող կիբեռակտիվության շարունակական դիտարկման և վերլուծության արդյունքում՝ ապահովելով սպառնալիքների ակնթարթային տեսանելիություն։ Տեղեկատվությունը ներկայացվում է բացառապես ագրեգացված և անանուն տեսքով՝ պահպանելով անվտանգության և գաղտնիության բոլոր անհրաժեշտ սկզբունքները։
Հանրային Threat Map-ի նպատակն է բարձրացնել կիբեռիրազեկվածությունը և տեսանելի դարձնել Հայաստանի կիբեռսպառնալիքների լանդշաֆտը՝ հնարավորություն տալով հետևել, թե ինչպիսի սպառնալիքներ են առավել հաճախ արձանագրվում, որոնք են դրանց հիմնական աղբյուրները և ինչպես են դրանք փոփոխվում ժամանակի ընթացքում։
«Կիբեռսպառնալիքներն այսօր անընդհատ ուղեկցում են թվային աշխարհին, սակայն դրանց մեծ մասը մնում է անտեսանելի լայն հանրության համար։ ThreatMap-ի ստեղծման գաղափարը ծնվեց մեկ պարզ նպատակից՝ տեսանելի դարձնել այն, ինչ ամեն օր տեսնում են կիբեռանվտանգության մասնագետները։ Մենք ցանկանում ենք, որ թե՛ մասնագիտական համայնքը, թե՛ կազմակերպությունները և թե՛ հանրությունը հնարավորություն ունենան ավելի լավ պատկերացնել, թե ինչպիսի սպառնալիքներ են առավել հաճախ թիրախավորում հայկական թվային միջավայրը, որոնք են առավել ակտիվ հարձակման աղբյուրները և ինչ տրանֆորմացիայի է ենթարկվում սպառնալիքների լանդշաֆտը ժամանակի ընթացքում», — նշել է ITSecurity LLC-ի տնօրեն Արմեն Գնունին։
ThreatMap-ը միայն վիզուալիզացիայի հարթակ չէ։ Այն հանդիսանում է ITSecurity LLC-ի կողմից մշակված միասնական պաշտպանական էկոհամակարգի մի մաս։ Երբ նոր սպառնալիք, հարձակման աղբյուր կամ վնասաբեր ակտիվություն է հայտնաբերվում որևէ պաշտպանվող կազմակերպության նկատմամբ, այն ավտոմատ կերպով վերլուծվում և դասակարգվում է, որից հետո նոր պաշտպանական կանոնները և հակազդման մեխանիզմները տարածվում և կիրառվում են նաև մյուս պաշտպանվող կազմակերպությունների միջավայրերում։ Արդյունքում մեկ կազմակերպության նկատմամբ բացահայտված սպառնալիքը վերածվում է ամբողջ էկոհամակարգի համար պաշտպանության լրացուցիչ շերտի՝ բարձրացնելով բոլոր մասնակից կազմակերպությունների կիբեռդիմակայունությունը։
Հարթակը հասանելի է նաև կազմակերպությունների համար՝ որպես բաժանորդագրային ծառայություն։ Ծառայության շրջանակում կազմակերպությունները կարող են ստանալ ինչպես իրենց համար նախատեսված անհատական Cyber Threat Map, որը հնարավորություն է տալիս իրական ժամանակում վիզուալիզացնել իրենց նկատմամբ արձանագրվող կիբեռսպառնալիքներն ու հարձակումները և տեսնել դրանց մանրամասները, այնպես էլ ստանալ ITSecurity LLC-ի կողմից հավաքագրվող և շարունակաբար թարմացվող սպառնալիքների շտեմարանի հասանելիություն, ներառյալ վնասաբեր IP հասցեները, դոմենները, ASN-ները և այլ IOC-ներ։ Այս տվյալները կարող են անմիջապես կիրառվել Firewall, WAF, IPS, EDR, SIEM և այլ պաշտպանական համակարգերում՝ ապահովելով սպառնալիքների վաղ հայտնաբերում, օպերատիվ արգելափակում և իրական ժամանակում ավելի բարձր պաշտպանվածություն։
Ընկերության մասին
Գրեթե տասը տարվա ընթացքում ITSecurity LLC-ն աջակցել է պետական կառույցներին, ֆինանսական կազմակերպություններին և մասնավոր ընկերություններին՝ ապահովելով նրանց տեղեկատվական համակարգերի, թվային ծառայությունների և կարևոր ենթակառուցվածքների պաշտպանությունը։ ITSecurity-ն հանդիսանում է Հայաստանում Cloudflare-ի միակ գործընկերը՝ գործընկերության ամենաբարձր կարգավիճակով։Բացի այդ, ընկերությունը համագործակցում է կիբեռանվտանգության ոլորտի միջազգային առաջատար տեխնոլոգիական արտադրողների և լուծումներ մատակարարող ընկերությունների հետ՝ ապահովելով նորագույն տեխնոլոգիաների հասանելիությունը հայկական շուկայում։ Ընկերության ռազմավարության կարևոր ուղղություններից է համաշխարհային մակարդակով պահանջված և նորարարական անվտանգության լուծումների ներմուծումն ու ներկայացումը Հայաստանում՝ նպաստելով տեղական կազմակերպությունների կիբեռդիմակայունության բարձրացմանը։
Հարկ է նշել, որ ITSecurity LLC-ն հանդիսանում է նաև ISO/IEC 27001 հավաստագրված ընկերություն և իր գործունեությունը կազմակերպում է տեղեկատվական անվտանգության միջազգային լավագույն փորձի համաձայն՝ համապատասխանեցնելով ծառայությունները Հայաստանի Հանրապետությունում գործող կիբեռանվտանգության օրենսդրական պահանջներին։
Որպես կառավարվող անվտանգության ծառայություններ մատուցող (Managed Security Service Provider – MSSP)՝ ITSecurity LLC-ն առաջարկում է համալիր ծառայությունների փաթեթ, ներառյալ՝
• Անվտանգության օպերացիոն կենտրոնի ծառայություններ (SOC as a Service)
• Սպառնալիքների հայտնաբերման և արձագանքման ծառայություններ (Managed Detection and Response – MDR)
• Էլեկտրոնային փոստի անվտանգության ծառայություններ (Email Security as a Service)
• Հակավիրուսային պաշտպանության կառավարվող ծառայություններ (Antivirus as a Service)
• Անվտանգության շարունակական մշտադիտարկում, սպառնալիքների հայտնաբերում և միջադեպերի արձագանքում
• Ներթափանցման թեստավորում (Penetration Testing) և անվտանգության գնահատումներ
• Կիբեռանվտանգության խորհրդատվություն, ռիսկերի գնահատում և համապատասխանության ապահովում
• Տեղեկատվական անվտանգության ճարտարապետության նախագծում, պաշտպանական ենթակառուցվածքների ներդրում և շահագործում
• ՏՏ և տեղեկատվական անվտանգության լուծումների մատակարարում, ինտեգրում և տեխնիկական աջակցություն
ITSecurity LLC-ի նպատակն է ապահովել կազմակերպությունների թվային ակտիվների պաշտպանությունը՝ նվազեցնելով կիբեռ-ռիսկերը և բարձրացնելով բիզնեսի կայունությունն ու դիմադրողականությունը ժամանակակից կիբեռսպառնալիքների նկատմամբ։
ITSECURITY LLC
https://itsec.am
[email protected]
https://www.facebook.com/ITSecArmenia/
+374 12 484848