Կարսից մինչև Նախիջևանի սահման կառուցվող երկաթուղին կնպաստի Թուրքիայի, Ադրբեջանի և Հայաստանի միջև երկաթուղային կապերի ամրապնդմանը։ Այդ մասին հայտարարել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն։
Նրա խոսքով՝ Կարս-Իգդիր-Արալիկ-Դիլուջու երկաթուղու շինարարությունը Թուրքիայի համար պետական առաջնահերթություն է։ Ուրալօղլուն նշել է, որ տրանսպորտային նախագծերը ոչ միայն ենթակառուցվածքներում ներդրումներ են, այլ նաև ռազմավարական քայլեր, որոնք խթանում են արտադրությունը, արտահանումը, զբաղվածությունը, տարածաշրջանային զարգացումը և միջազգային համագործակցությունը։
Նախարարը հավելել է, որ վերջին 24 տարիների ընթացքում Թուրքիայի տրանսպորտային ոլորտում և ենթակառուցվածքներում ներդրումները հասել են 355 միլիարդ դոլարի։