Լիտվայի իշխանություններն օդ են բարձրացրել ՆԱՏՕ-ի առնվազն մեկ կործանիչ եւ փակել Վիլնյուսի օդանավակայանը թռչունների երամի պատճառով, որը դրոնի տեղ են դրել: Հաղորդում է Reuters-ը՝ հղում անելով Ազգային ճգնաժամային կառավարման կենտրոնին։
Կիրակի օրը Reuters-ը՝ հղում անելով Ազգային ճգնաժամային կառավարման կենտրոնին, հաղորդել է, որ Լիտվայի իշխանությունները փակել են Վիլնյուսի օդանավակայանը՝ իրենց օդային տարածքում հնարավոր անօդաչու թռչող սարքի պատճառով, և օդ են բարձրացել ՆԱՏՕ-ի կործանիչներ։ Լիտվայի պետական LRT հեռարձակողը հաղորդել է, որ իշխանությունները տագնապի դեղին մակարդակ են հայտարարել Վիլնյուսի, ինչպես նաև Էլեկտրենայ և Տրակայ քաղաքների շրջակայքի համար։
«Լիտվան հայտարարել է, որ կիրակի օրը օդային տարածքում նկատված օբյեկտը, որը սխալմամբ անօդաչու թռչող սարքի հետ են շփոթել, ստիպել է իշխանություններին փակել Վիլնյուսի օդանավակայանը և ՆԱՏՕ-ին՝ օդ բարձրացնել առնվազն մեկ կործանիչ ինքնաթիռ, պարզվել է, որ թռչունների երամ է», — հաղորդել է գործակալությունը՝ հղում անելով Ազգային ճգնաժամային կառավարման կենտրոնին։
Վերջերս ուկրաինական անօդաչու թռչող սարքերը մի քանի անգամ հայտնվել են Բալթյան երկրների օդային տարածքում։ Միևնույն ժամանակ, Էստոնիան, Լատվիան և Լիտվան նախկինում պնդում էին, որ իբր Ուկրաինային թույլտվություն չեն տվել օգտագործել իրենց տարածքները և օդային տարածքը Ռուսաստանում գտնվող թիրախների վրա անօդաչու թռչող սարքերով հարձակումների համար։
