Բելգիացի պատգամավոր Ֆրեդերիկ Էրենսը, աջակողմյան «Vlaams Belang» կուսակցությունից, ամբողջ գիշերն անցկացրել է խորհրդարանի շենքի զուգարանում՝ կոտրված կողպեքի պատճառով, հաղորդում է VRT-ն՝ հղում անելով նրա հայտարարությանը։
«Դուռը խցանվել է, երբ պատգամավորը փորձել է արագ օգտվել զուգարանից՝ տուն գնալուց առաջ։ Միայն հաջորդ առավոտյան ժամը 6-ին է նրան հայտնաբերել մաքրուհին», — ասվում է հաղորդագրության մեջ։
Հրապարակման համաձայն՝ պատգամավորը չի վերցրել իր բջջային հեռախոսը, և նրա դռան թակոցը չի լսվել, քանի որ բոլորն արդեն տուն էին գնացել։
Հաղորդվում է, որ Ֆրեդերիկ Էրենսը վատացել է խցիկում երկարատև «բանտարկության» ժամանակ։
«Այս սենյակները նախատեսված չեն դրանցում 13 ժամ անցկացնելու համար։ Ես դռան վրա մի քանի անցքեր եմ արել մետաղական առարկայով՝ օդի հոսք ապահովելու համար», — կիսվել է նա։
