ՀՀ նախկին նախագահ Ռոբերտ Քոչարյանը քրեական հետապնդման է ենթարկվում այն պատճառով, որ նա երբեք չի պայմանավորվել Նիկոլ Փաշինյանի հետ․ «Известия»-ին հայտնել է Քոչարյանի գրասենյակի ղեկավար Բագրատ Միկոյանը:
Միկոյանի խոսքով՝ Ազգային ժողովի ամբիոնից ձերբակալման վերաբերյալ Փաշինյանի ուղղակի ցուցումներից հետո այլ բան ակնկալելն անիմաստ էր և «հրաշքին մոտ»։
«Նրա ձերբակալության մեջ կա խորհրդանշական բան կա, քանի որ Ռոբերտ Քոչարյանը հայ-ռուսական լավ հարաբերությունների կողմնակիցն ու խորհրդանիշն է։ Այն փաստը, որ նա ընկերներ ունի, այն փաստը, որ նրա նախագահության տարիներին մեր հարաբերությունները եղբայրական էին, գերազանց։ Եվ նրա ձերբակալությունը ռուս-հայկական լավ հարաբերությունների խորհրդանիշի ձերբակալությունն է։ Փաշինյանն, իր հերթին, խորհրդանիշն է այն փաստի, որ այդ հարաբերությունները վայրկյան առ վայրկյան վատթարանում են», – նշել է Միկոյանը։
Նա հավելել է, որ Քոչարյանի կալանավորման վերաբերյալ լսումները տևել են 12 ժամ։ Ժամը յոթից հետո բժիշկները նրան խորհուրդ են տվել գնալ հիվանդանոց, և լսումները շարունակվել են առանց նրա։ Քոչարյանը հետագայում դատապարտվել է 2-ամսյա կալանքի։ Սա Քոչարյանի 4-րդ ձերբակալությունն է Փաշինյանի իշխանության գալուց ի վեր։
