ՀՀ-ում ՌԴ դեսպան Սերգեյ Կոպիրկինը գրառում է արել Հայաստանում Իրանի դեսպանատանը բացված սգո մատյանում Ալի Խամենեիի և ամերիկա-իսրայելական հարվածների մյուս զոհերի մահվան կապակցությամբ։
«ՀՀ-ում ՌԴ դեսպանատան անունից խորին ցավակցություններս եմ հայտնում Իրանի գերագույն հոգևոր առաջնորդ Սեյեդ Ալի Խամենեիի և նրա ընտանիքի անդամների հանցավոր սպանության առնչությամբ։ Կիսում եմ վիշտը Մինաբ քաղաքի տարրական դպրոցի ուղղությամբ հրթիռային անմարդկային հարվածի բազմաթիվ անմեղ զոհերի կապակցությամբ»,- գրել է Կոպիրկինը։
Նա նաև ընդգծել է, որ այս դժվարին օրերին իր կարեկցանքի և աջակցության խոսքերն է հայտնում Իրանի բարեկամ ժողովրդին և գործընկերներին։ Այս մասին հայտնում է Sputnik-Արմենիան։
