Վեդիի մանկապղծության գործով ևս մեկ մեղադրյալ կալանավորվեց՝ դատարանի որոշմամբ

Դատավոր Ռուզաննա Ամիրջանյանի որոշմամբ՝ Վեդիում տեղի ունեցած մանկապղծության մեջ մեղադրվող Արթուր Երեմյանը կալանավորվել է 2 ամսով։

Ավելի վաղ նույն գործով 65-ամյա Դավիթ Այնազյանը ևս կալանավորվել էր։

Հիշեցնենք՝ լրատվամիջոցների հաղորդմամբ Վեդիում գրանցվել է անչափահասների նկատմամբ սեռական բռնության դեպք, որին, ըստ նյութերի, ներգրավված են 58 և 65 տարեկան տղամարդիկ։ Նրանք նախ ձերբակալությունից 72 ժամ չանցած ազատ էին արձակվել, ինչը հանրային լայն արձագանք էր ստացել։

Փետրվարի 12-ին նախաձեռնվել է քրեական վարույթ՝ 15-ամյա աղջկա նկատմամբ սեռական բնույթի բռնի գործողությունների հոդվածով, սակայն ըստ տեղեկությունների՝ սկզբնական փուլում պատշաճ քննչական գործողություններ չեն իրականացվել։ Հետագայում արձանագրվել է նաև 17-ամյա աղջկա նկատմամբ նմանատիպ բռնության դեպք։