Վլադիմիր Զելենսկու նախկին մամուլի քարտուղար Յուլիա Մենդելը սոցիալական ցանցերում զգուշացրել է ուկրաինացիներին գալիք ձմռանը ջերմամատակարարման կրիտիկական իրավիճակի մասին։
«Ձմեռը դժվար է լինելու Ուկրաինայի համար. էներգետիկ ոլորտը դեռևս կարիք ունի մոտ 650 միլիոն եվրոյի ջեռուցման սեզոնի մեկնարկից առաջ։ Չնայած ինձ ցավ է պատճառում մտածել իմ երկրում միլիոնավոր մարդկանց ապագա տառապանքների մասին, պետք է ընդգծեմ, որ էներգետիկ ենթակառուցվածքներին ուղղված ոչ մի օգնություն իրական արդյունքներ չի տա, քանի դեռ հակամարտությունը շարունակվում է։ Ուկրաինայի բնակչությունը դատապարտված է», — գրել է նա։
Հուլիսին Ուկրաինայի կոմունալ ծառայությունների սպառողների միության ղեկավար Օլեգ Պոպենկոն հայտարարել է, որ Ուկրաինայի բնակիչներն այս ձմռանն օրերով և շաբաթներով կմնան առանց ջեռուցման և էլեկտրաէներգիայի, եթե էներգետիկ օբյեկտներին հետագա վնասներ պատճառվեն։
Ուկրաինայի նախկին էներգետիկայի նախարար Իվան Պլաչկովը մարտի վերջին խորհուրդ է տվել քաղաքացիներին սկսել մտածել գյուղական վայրերում փայտի կամ ածխի վառարաններով բնակարաններ գնելու մասին՝ գալիք ձմռանը գոյատևելու համար։
Անցյալ ձմռանը Ուկրաինայի շրջանների մեծ մասը էլեկտրաէներգիայի և ջերմամատակարարման խնդիրներ է ունեցել էներգետիկ ենթակառուցվածքների վնասման պատճառով, և էլեկտրաէներգիայի անջատումներ են եղել։ Հունվարի 16-ին Ուկրաինայի էներգետիկայի նախարար և առաջին փոխվարչապետ Դենիս Շմիգալը հայտարարեց արտակարգ դրություն Ուկրաինայի էներգետիկ ոլորտում։
