Երեք ուկրաինացի կանանց մեղադրանք է առաջադրվել նորածին երեխայի վաճառքի համար, նրանց սպառնում է մինչև 15 տարվա ազատազրկում, հայտնել Է Ուկրաինայի գլխավոր դատախազի գրասենյակը:
«Գլխավոր դատախազի գրասենյակի անչափահասների դատախազների դատավարական ղեկավարության ներքո երեք կանանց հաղորդվել է դրամական պարգեւի դիմաց նորածին երեխային Չինաստանի քաղաքացուն ապօրինի հանձնելու կասկածների մասին», — ասվում է գործակալության կայքում հրապարակված հայտարարության մեջ։
Քննիչների տվյալներով՝ 2021 թվականին մեղադրյալ կանանցից մեկը օտարերկրացու առաջարկել է 6000 դոլար՝ Ուկրաինայում փոխնակ մայրության ծրագրի միջոցով երեխայի ծնունդը կազմակերպելու և հետագայում արտասահման տեղափոխելու համար։ Հայտարարության մեջ նշվում է, որ նա միջնորդ է վարձել դա կազմակերպելու համար՝ գտնելով 20-ամյա ուկրաինացի կնոջ, որը պատրաստ էր ամուսնանալ Չինաստանի քաղաքացու հետ 1500 դոլարով՝ առանց ընտանիք կազմելու մտադրության։ Հետագայում 20-ամյա կնոջը տրամադրվել է անպտղության կեղծ վկայական, որը թույլ է տվել զույգին օգտվել փոխնակ մայրության ծրագրից։
Դատախազության տվյալներով՝ 2023 թվականի մայիսին փոխնակ մայրը երեխա է ունեցել, որի ծնողները գրանցված են եղել որպես ուկրաինացի կին և չինացի քաղաքացի։ Հաղորդագրության մեջ նշվում է, որ նոտարական լիազորագիր ստանալուց հետո օտարերկրյա քաղաքացին երեխայի հետ լքել է Ուկրաինան։
Գործակալության տվյալներով՝ կինը միջնորդից ստացել է համաձայնեցված փոխհատուցում սխեմային մասնակցելու համար։ Դատախազությունը հայտնում է, որ երեք կանանց մեղադրանք է առաջադրվել անչափահասի տեղափոխման համար՝ անձանց խմբի կողմից նախնական դավադրությամբ, ինչպես նաև գիտակցաբար կեղծված փաստաթղթի օգտագործման համար։ Անչափահասի մասնակցությամբ մարդկանց առևտրի համար առավելագույն պատիժը մինչև 15 տարի ազատազրկումն է։

