«Ուժեղ Հայաստան» կուսակցության Վայքի գրասենյակի համակարգող Վերժինե Ստեփանյանի նկատմամբ հարուցվել է հանրային քրեական հետապնդում ՔԿ-ի կողմից։ Նշենք, որ նրա նկատմամբ իրականացվող գործողությունների մասին հայտնի էր դարձել Գոհար Ղումաշյանի ձերբակալությանը զուգահեռ, սակայն քննչական մարմինները չէին շտապում տեղեկություն տրամադրել։
ՀԿԿ-ից հայտնել էին, որ նա իրենց մոտ քննվող վարույթով չի անցնում, իսկ ՔԿ-ն լռում էր։ Քիչ առաջ «Փաստինֆո»-ին ՔԿ մամլո խոսնակ Կիմա Ավդալյանը տեղեկացրել է, որ նրա նկատմամբ հարուցվել է քրեական հետապնդում Քրեական օրենսգրքի 236-րդ հոդվածի 3-րդ մասով (հավաք անցկացնելուն կամ դրան մասնակցելուն խոչընդոտելը կամ հարկադրելը, ինչպես նաև հավաքին մասնակցելու կամ հավաքին մասնակցելուց հրաժարվելու նպատակով նյութապես շահագրգռելը, որը կատարվել է իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով): Վերջինս ձերբակալվել է:
